Son Xəbər: Azərbaycanda regionlarında rəqabətin inkişaf səviyyəsi qiymətləndiriləcək, Prezidentdən Fərid Şəfiyevlə bağlı - Sərəncam, Yağış yağacaq, çaylarda sululuq artacaq - XƏBƏRDARLIQ, Baş prokuror Kamran Əliyev Qazaxıstana səfər edib, Dördüncü İqlim Həftəsi başa çatıb, Xarici diplomatlar Xankəndidə tikiş fabrikinin fəaliyyəti ilə tanış olublar, Aİ Ukrayna üçün HHM, dron və raketlərin alınmasına 6,1 milyard avronun ayrılmasını təsdiqləyib, Sabah 31 dərəcə isti olacaq - PROQNOZ, Emin Əmrullayev: Biz kimisə məktəb direktoru işləməyə məcbur etmirik, FT: İran Körfəz ölkələri ilə Hörmüzlə bağlı danışıqlar aparacaq,

Aİ Ukrayna üçün HHM, dron və raketlərin alınmasına 6,1 milyard avronun ayrılmasını təsdiqləyib

Tarix: Dün, 14:55

Avropa Komissiyası bu gün "Patriot" sistemləri üçün ABŞ-nin PAC-3 raketləri də daxil olmaqla, hava hücumundan müdafiə (HHM) vasitələrinin, dronların və raketlərin alınması məqsədilə Avropa İttifaqının (Aİ) kreditindən Ukraynaya 6,1 milyard avronun ayrılmasını təsdiqləyib.

Bu barədə müdafiə üzrə Avropa komissarı Andryus Kubilyus jurnalistlərə açıqlamasında bildirib.

Onun sözlərinə görə, qəbul edilmiş qərar Ukraynaya "Ukraine Support Loan" krediti vəsaitləri hesabına "Patriot" sistemləri üçün PAC-3 raketlərini almağa imkan verir. Xüsusilə, söhbət NATO tərəfindən əlaqələndirilən PURL ("Prioritised Ukraine Requirements List") mexanizmi vasitəsilə ABŞ avadanlıqlarının tədarükündən gedir.

Komissarın sözlərinə görə, bugünkü qərardan sonra "Ukraine Support Loan" çərçivəsində Ukraynanın müdafiə ehtiyaclarının maliyyələşdirilməsi məqsədilə 2026-cı il üçün nəzərdə tutulmuş 28,3 milyard avro bölüşdürülüb.